Myanmar Airline vanlawng pakhat cu, vanlawng tual a tum ah a hmailei ke a chuak kho ti lo i, a hmai lei ke samh lo in a tum tiah BBC nih a tial.
Myanmar National Airline vanlawng cu, Mandalay Vanlawng tual ah a tum pah ah tu bantuk in a can hi asi.
Embraer 190 vanlawng ah hin, aa citmi 89 an si i, tu bantuk in thil a cang ko nain hohmanh aa khongmi an um lo caah, vanlawng mawngtu pa cu an thangthat ngai.
Vanlawng a hmailei ke a samh khawh lo tikah, vanlawng a rih zor deuh seh tiah mawngtu hi dat-si a hleimi vialte cu a khangh dih.
Cun, vanlawng cu a hnulei ke in a tum ter i a hmailei ke loin second 25 chung a tolh hnu ah vanlawng cu a dir.
Tutan thil cang hi, Kawlram ah zah khat chungah vanlawng poipang (accident) a can a voi hnihnak asi tiah theih asi.
