Vawlei cungah kum sau bik a nung tiah ruahmi, kum 146 ka si cang a timi Indonesia pa cu a umnak Central Java in khuate pakhat ah May 1 ah khan a thi cang tiah BBC nih a tial.

Sodimedjo (Mbah Ghoto ti zong in auhmi) hi amah nih aa chiahmi catlap ning ahcun, 1879 kum December thla ah a rak chuah.

Nain, Indonesia ram nih chuah nithla tial hram a rak thok kum cu 1900 lawngah asi, mah hlan poh kha cu palhnak a rak um.

Nain mah pa biahalnak an tuahmi in siseh, cun amah nih aa chiahmi catlap hi siseh zoh tikah cohlan asi ko tiah Cozah riantuantu nih BBC sin ah an chim.

Patar pa cu April 12 ah khan, a ngandamnak a rawh ngai caah sizungah an kalpi __ ni ruk a ruah ah a hramhram in sizung in a chuak.

“Sizung in a chuah hnu cun, sanpioh keu khat hnih te lawng a ei cang. Cun ti zong tlawmte lawng a din. Cun ti le Rawl din ei lo in ni hnih a um. Cun ni hnih a ruah bak ah a thi ko” tiah tupa Suyanto nih BBC sin ah a chim.

Nikum ah BBC nih ton biaruahnak an ngeih. Cu ah a chimmi cu, “Nun saunak caah biathli cu, lungsau thinfualnak hi asi. Cun ti bantuk in ka chan a saumi cu dawt tu le zohkhenhtu ka ngeih caah asi” tiah a chim.

Kuak ram ngaimi mipa Sodimedjo a thih hlan ah a fa la 10 an zaa tein an thi dih cang, cun a nupi pali an rak thi dih cang __ amah hi a hnu bik ah a thi.

Ka pu nih a thih hlan ah aa rak cawk ciami thla hmun le, thlan lung ah a ruak cu vui asi tiah a tupa nih a chim.

Amah tein aa chim ning ah cun ka Pu hi French rammia rak thih ah kum 122 asi cangmi Jeanne Calment nak in a nun khua a sau deuh tiah a tupa nih cun a chim chap.

__ BBC

LEAVE A REPLY

Please enter your comment!
Please enter your name here