Vawlei cung Network ah a ngei bik Facebook Kampani a dirhtu Mark Zuckerberg he sianginn khaan khat ah a rak thumi Facebook dirhtu zongah aa tel vemi Chris Hughes nih Kampani in chuah a duh kong cu New York Times Editorial Capar ah an tial tiah VOA Burmese sin in thawng kan don.

Mah Facebook Kampani nih aa timhmi hi zeitluk hmanh in va tha ko sehlaw, minung pakhat lawng nih a tlaihmi tawlrelpiaknak (service), asi lo ah, rian pakhat nih a  tuan khawhmi ri khiahnak a umnak hmun kan ram ah hin, Zuckerberg a huhaam hi a um bal lomi tluk in a ngan cang caah hihi American kalpi ning he cun aa zuldawi lo tiah Hughes nih New York Times sin ah a chim.

Vawlei cungah Facebook a hmangtu hi 2 billion an um cun, Facebook ngeihmi What’s app, Message le Instagram a hmangtu  hi 1 billion tluk an phan ve.

Facebook Kampani nih INstagram hi 2012 ah arak cawk cun, What’s app hi 2014 ah a rak cawkmi a si.

Cu bantuk cun President ah na kan thim asi ahcun, amah kut chung lawngah aa hummi Facebook, Amazon le Alphabet Inc’s Google ti bantuk Kampani tlangtlang pawl hi kan cheu hna lai i, pakhat le khat zuamnak caah kant uah lai tiah Democratic in President aa cuh ding Elizabeth Warren nih a chim.

__ VOA Burmese

LEAVE A REPLY

Please enter your comment!
Please enter your name here