2013 Meiman Kai Ruangah Duh Lonak An Langhter Lio (Photo: BBC)

Kawlram ah lektik mei man kan kaiter lai tiah, Ministry of Electricity and Energy  in, U Tin Maung Oo nih a chim tiah BBC Burmese nih a tial.

Nizan May 9 ah, Nay Pi Daw, Ministry of Information zungah an tuahmi cozah kum thum chung tuahmi thawng fianternak (press) ah tu bantuk in a chim hi asi.

Zeitik sat ah dah, zeizat dah kan kaiter lai timi cu a chim lo nain, atu cozah tuan chungah kan kaiter ko lai tiah U Tin Maung Oo nih cun a chim.

Ram pumpi lektik mei peknak caah hin, Billion 500 Kyats tluk kan hman i, cu ti cun a sung bak in mei hi kan pekmi asi tiah a chim chap.

Tu ah hin, a caan caan in mei cu pek an si a ruang cu, kan ngeihmi mei thaa hi Megawatt 500 asi i, kan hmanmi a rak kai deuh cun, ti a reu caah tu bantuk in a caan lak in kan peknak hi asi tiah a chim chih fawn.

June thla in fur ruah a vun sur cun, tu bantuk in a caan lak in pek timi hi cu kan silhnalh khawh cang lai tiah a chim.

__ BBC Burmese  

LEAVE A REPLY

Please enter your comment!
Please enter your name here