UN ah Assistant Secretary-General for Humanitarian Affairs and Deputy Emergency Relief Coordinator, tuan liomi Ursula Mueller cu Indonesia ah tuahmi UN Meeting dih in, tuni May 9, ah Kawlram a rak phan lai tiah VAO Burmese sin in thawng kan don.

“Ms. Mueller cu May 9 in May 15 tiang Kawlram ah a tlawng lai. Cun Rakhine ramkulh le Kachin ramkulh ah a cang cuahmahmi thil sining kong cu amah pumpak bak in a zoh lai” tiah UN GS Antonio Guterres bawmtu Farhan Haq nih Nithum ni thawng fianternak lio ah a chim.

Cun “Mueller nih bawmh a herhmi pawl, Cozah tuanvo ngeitu pawl le bawmhnak a petu phu he zong tonnak a ngei lai. Cun Kachin le Rakhine ramkulh in ralzaam dornak hmun pawl zong a va zoh hna lai” tiah a chim chap.

Tonnak a ngeih tikah, a bik in zeitindah bawmh a herhmi pawl bawmhnak peknak ah zeitindah hi nak in a that deuh khawh lai timi kong a ceihpi hna lai.

__ VA Burmese

LEAVE A REPLY

Please enter your comment!
Please enter your name here