Australia nih a hnu bik a chuahmi catlap tangka 50 ca chungah aa tialmi cafangfonh (Spelling) aa palh tiah BBC nih a tial.

Reserve Bank of Australia (RBA) nih a hnu bik ah million bak in a chuahmi 50 ca chungah ‘responsibility’ timi cafang cu ‘responsibilty’ tiah aa tial.

RBA nih palhnak cu an fehter cang i, mah palhnak a ummi hi hmai lei ah cun kan remh ko lai tiah tiah an langhter.

Palhmi tangka tlap cu ram chungah 46 millions hrawng hman cuahmahmi asi __ mah tangka hi nikum ah an chuah i, a cungah Australia ram Nu MP a tuan hmasa bikmi Edith Cowan hmanthlak an cuanter.

“It is a great responsibility to be the only woman here, and I want to emphasise the necessity which exists for other women being here,”  timi cu tangka catlap cungah fa taktak tein an tial.

Mah an tialmi catlang hna ahcun, ‘Responsibilty’ tiah palh bu piin aa nolh peng ko.

Australia ram ah hin, 50 ca hi hman bikmi tangka tlap asi.

LEAVE A REPLY

Please enter your comment!
Please enter your name here