Setan Biak Inn ah A Dirhtu Greaves le A hnulei ah Meheh Lu Milem (Baphomet) (Photo: Washington Post)

American ram ah Biaknak thar a chuak __ cucu Sehtan bu (Satanic Temple) asi. Mah Sehtan bu hi a dang biaknak bantuk in ngun khuai awlhnak nawl IRS nih a pek ve tiah Business Insider sin in thawng kan thanh.  

Mah Sehtan Biaknak hi a thangcho ngaingai cang i, US ah hin phu 20 hrawng a um, cun Canada, Australia, Germany le UK zongah phu-teng-nge an um tiah theih asi.

Mah Sehtan bu hi kum ruk hrawng a kal cang i, ramkhel lei an cawlcanghnak ruangah mi lung a la ngai __ nain nai te ah US cozah nih phung ning tein biaknak pakhat ah a cohlan mi le naite ah an thlakmi video (documentary) ruangah mi nih an vun ngiat thlai chinchin.

Sehtan Biak Inn an zung lu bik (head quater) pi hi Massachusetts, Salem laifang ah ummi aa dawh taktakmi New England House timi innpi asi, cucu ruak suannak hmun zongah hmanmi asi.

“Mah biakinn hi cawlcanghnak ah hmanmi asi. Zarh khat vawikhat tonnak kan ngei; cucu pumh nan timi asi theu lai tiah ka ruah” tiahz Sehtan Biaknak dirhtu si vemi Lucien Greaves nih a chim.

Cun “Thlarau lei (spiritual), a si lo ah, a thiang hlimmi (holy) timi bantuk cafang pawl, kokek minung lengin thil ti khawhnak lei bantuk pohpoh hi, kan zumhnak ah thaa kan pe lo” tiah Greaves nih cun a chim chap.

Sehtan Biakinn minung pawl nih minung tuanbia (methodology), cabia le Sehtan muisam (figure) pawl hi thazaang uknak cozah a ralchanhtu tapung bantuk in an hmuh __ Sehtan kha an bia lo.

“Biak timi pohpoh nih hin Stan biaknak (Satanism) cu a hnorsuan hna, a nek hna __ zeicatiah mah ‘biak’ timi pohpoh hi biaknak caah pumpek le biaknak duhnak tuah lawng kha asi caah asi.

Sehtan biaknak (Satanism) timi cu mah pumpak duhnak kha a sang bik ah chiah cun, duh thimnak covo ngeih kha asi” tiah a chim chap.

LEAVE A REPLY

Please enter your comment!
Please enter your name here