Chin ramkulh chungah India nih a tuah cuahmahmi Project pawl le pehtlaihnak lam pawl zoh dingah Kawlram ah India Palai a tuanmi Saurabh Kumar cu Chin ram ah a tlung tiah Chin World Media sin in thawng kan theih.

Vuan Ci U Soe Htet nih “India palai cu May 8 zaan ah Hakha a phan lai. India nih Chin ramkulh caah tampi a kan bawmh. May 9 ah Chin ramkulh cozah he tonnak an ngei lai. Tu Kalatan tiva Project in India ramri Mizoram lei ah a kalmi lampi a tuantu Kampani nih harnak tampi an tong __ AA le Ralkap karlak ah raltuknak a um caah. Mah kong he pehtlain in humhimnak kong a chimmi zong a um. Nay Pi Daw ah May 3 ah mah kong cu meeting kan tuah cang. Amah India palai, Construction Vuanci, le a dang lutlai pawl hna he tonnak zong an ngei cang. Mah caah cun, mah lam rianrang in a awn khawhnak dingah phundang in timhtuahnak pawl ngeih dingah a rat pah in tubantuk in Chin Ramkulh Cozah zong ton a timh hna hi asi” tiah a chim.

India palai cu Chin ramkulh ah May 6 kha a phan i, May 10 ah Kalay Myo lei in Vanlawng in Yangon ah a kir lai.  

__ Chin World Media  

LEAVE A REPLY

Please enter your comment!
Please enter your name here