Photo: Chin World Media

Electric Zung rian tuantu pakhat cu, April 20 ah khan ralkap nih an vuak__ Laiphung tein Sia le Vok in an rem hna caah an ngeihthiam hna tiah Chin World Media nih a tial.

“Kan i rem kho cang, nizan kha suimilam pa-nga in paruk tiang kan ceih-khaang hna. Vok le Sia in kan in nawl hna tiah an rat lio ah hin a ka vuatu pawl zong an ra ve ko. Beu-ha-hmu zong a ra, cun Pastor pawl zong an i tel” tiah velhmi pa nih a chim.

A Kut ah Thir Nih A Chunnak (Photo: Chin World Media)

Salai Boi Ha hi, Bungtla Electric mei zohtu pawl hruaitu asi, ti a tlawm caah Ralkap Sakhan Kha-la-ya (140) pekmi mei cu chikkhat a hmih piak hna.

Cu ti mei a mih tikah, ralkap paruk cu uniform lo in an ra i, thing-tlang in a lu le ban ah an tuk.

A thi tamtuk a chuah i Boi Haa cu mah le mah hngal loin a um tikah a veltu ralkap lila nih cun ralkap sizungah an tlikpi i, si thlop a si.

Ralkap Sizungah An Thlop Lio (Photo: Chin World Media)

“Velh tongtu nih a ngaih thiam ko cang hna caah zeihmanh chim ka duh lem lo. Nain, nu hrin covo mit in kan zoh ahcun, hi bantuk cu ngaihthiam ding a lam um bak lo tiah ka ruah. Tu bantuk a can ti lo ding hi, ralkap lei zong nih an i ralrin a hau. Upadi lei minung a simi, thazaang a thawngmi nih thazaang a dermi an namneh hna cu a si awk asi lo tiah ka ruah. Cun tubantuk thil ahcun Lai nungphung zongin kalter ka duh lo, upadi ningin a kal seh ti ka duh. Kanmah Laimi le Laimi karlak hmanh ah nunnak tiang a phan kho ding thil ahcun, Lai nungphung hman ding asi ti lo. Tu cu phu khat le khat karlak ah a cangmi asi tikah, hmai lei ah a lem hna lai ti zong ka phang” tiah CHRO in Field Director Pu Tera nih a chim.

Tubantuk in mi veltu hi Kha-la-ya (140) in Buhmu Kyawkyaw ku-tang ralkap pawl an si, tubantuk in sualnak a tuahtu ralkap pawl cu anmah ralkap thong ah an chiah hna kong cu Salai Boi Ha sin in theih asi.

___ Chin World Media

LEAVE A REPLY

Please enter your comment!
Please enter your name here