Photo: Myanmar Times

Biaknak phu pakhat le khat karlak ah hnahnawhnak hrial dingah tiin, Kawl Phungki puarhrang U Wirathu phungchimmi (Sermon) cu Thailand Phuket Ramthen cozah nih an kham tiah Thailand hrambunh Fim Cawnnak le Thanchonak Foundation nih an chim tiah Myanmar Times nih a tial.

“Muslim dohnak ruangah mi  nih theihmi U Wirathu phungchim (Sermon) nih hin, biaknak lei rem lonak a chuahter khawh” tiah Foundation dirhtu U Htoo Chit nih a chim.

Tu bantuk in khamnak an tuahmi hi thil tha asi ko tiah U Htoo nih cun Thai Nawlngeitu cu a thangthat ngai hna.

“Biaknak karlak ah huatnak bia a chim lotu, Budhist Phungki pawl tu cu biachimnak le biaknak cawlcanghnak tuah dingah nawl awnh an si ko” tiah U Htoo nih cun a chim chap.

Biaknak lei cawlcanghnak hi Phuket Ramthen mipem covo dirkamhtu phu nih an tuah tawn i, cu ah cun Buddhist Phungki pawl hi bia chim ah sawm an si tawn tiah theih asi.

__ Myanmar Times

LEAVE A REPLY

Please enter your comment!
Please enter your name here