Photo: VOA Burmese

Kawlram Democracy thlennak lam thluan caah le a dikmi mipi cozah a chuah khawhnak dingah American nih pehzulh in kan in bawmh rih ko hna lai tiah Kawlram ah nithum rau in a rak tlawngmi US Foreign Ministry zungin Under Secretary David Hale nih a chim.

Under Secretary David Hale  nih Kawlram ram pumpi ruahnak petu Daw Aung San Suu Kyi, Runvennak Vuanci, Ramdang pehtlaihnak Vuanci hna he nizaan Nay Pi Daw ah an i ton lio ah tu bantuk in a chim tiah VOA Burmese nih a tial.

Tulio ah Kawlram nih a ton cuahmahmi Democracy he pehtlai in harnak, rammi rualrem thannak, Rakhine buainak le a dang tlangcungmi kongkau le nuhrin covo kong hna cu tonnak lio ah an i ceih-hmai hna.

Rohingya pawl cu anmah duhnak zulh in humhim tein Kawlram an kir khawhnak ding ah Kawl ram cozah nih tuah a herh kong, nain Rakhine ramkulh buainak ruangah har tongmi pawl humhim tein an kirthan khawhnak dingah in American an thin phan kong, Rakhine buainak a chuahtertu pawl hi tha tein kawl in dot-hlatnak tha tein tuah a herh kong __ mah vialte a herhmi hi nan tuah dingah American nih kan in nawl hna tiah David Hale nih a chim.

Rohingya timi min hi Kawl cozah nih a cohlang lo. Mah Rohingya pawl he pehtlai in American nih $ 500 Million tluk a bawmh cang.

— VOA Burmese

LEAVE A REPLY

Please enter your comment!
Please enter your name here