CBC-USA Program in Kan Pastor hna cu Israel ram ah an kal. CBC USA Pastor minung 62 hna cu atu lio hi Kan Bawipa Jesuh achuah keh nak hmun le a thihnak in a thawh tthan nak khua le ram hmunhma zoh ah an kal. Kanmah le kan khrihfa buu cio nih thla zong campiak hna usih law thazaang pe hna usih. Bawipa atuanbia kong a cauk lawng rel in le study nak in a thawngtha akan chimh tawn mi cu atu ah cun a dawtnak a vel ruangah ahmun le ahma an va zoh khawh i kan i lawm tuk cio ttheu lai. Kan Khrihfa buu caah le kan miphun caah kan Pastor hna nih mah bantuk in khi ka ah khual an tlawn mi cu lawmhpi awk ngaingai an si. An rak tlun cio tik ah a taktak in an hmuh ton mi an kan chimh-ruah te lai ding kan i ngeih tuk cio lai. An i chawhvah nak le an tlawnlen nak hmanthlak kan rak tar lai.

Church of Nativity
Hi hmun hi Bethlehem khua Jesuh chuahnak hmun tiah an zumhmi hmun a si i hika ah hin biakinn nganpi an sak AD 327 hrawng ah hin Constantine the Great le a nu Helena nih an rak thokpi hna i AD 339 hrawngah hin an rak lim. A biakinn hi atu ahcun an kauh chap i a kau ngai. Church of Nativity tiah an kawh. Krihfabu pathum nih an i then. Greek Orthodox nih a then, Armenian Apostolic nih a then, Roman Catholic nih a then tiin an i phaw cio hna. Hi Bethlehem hi Judah Palensine ram chung ah a si.

Pastor Lian Hram

LEAVE A REPLY

Please enter your comment!
Please enter your name here