Thailand Siangpahrang nih, amah humhimnak hnuzulh riantuantu nu pakhat cu a thit hnu ah, siangpahrang nu (queen) dirhmun ah a chiah tiah BBC sin in thawng kan don.
Siangpahrang thutden pek asi ni Zarhteni ah khan tubantuk in ruah lo piin thawng thanhnak an tuah hi asi.
2016 a pa a thih hnu in, Siangpahrang Maha Vajiralongkorn, kum 66 cu phung ning tein siangpahrang ah canter asi.
Tu siangpahrang pa hni, tutan nupi a thit hlan ah hin nupi pathum le fa pasarih a ngei cang, an nupi pawl he an i then dih.
Mah hna pahnih hi, saupi an rak i kom cang ko nain, tubantuk in miphi theih in thawng an rak thanh bal lo.
Suthida Tidjai cu, Siangpahrang Vajiralongkorn nih 2012 lio ah khan a hnuzultu bawi (deputy commander) ah a rak chiah, cun 2016 December ah a bawizik ah a kaiter.
Siangpahrang nupi thar Suthida Tidjai cu, Siangpahrang hnuzultu a rak si hlan ah Thai Airline vanlawng zultu (flight attendant) a rak tuanmi asi.
Ref: BBC
