Photo: Aung Htay Hlaing |The Myanmar Times

Chin Ramkulh, khuate mei vannak ding Solar caah Italy nih Kawl Cozah sin ah €30 million a coih tiah Ministry of Agriculture, Livestock and Irrigation (MOALI) in duh-osi (deputy secretary) U Tun Lwin nih a chim tiah Myanmar Times sin in thawng kan don.

“Mah project hi Chin Ramkulh mei vannak dingah kan hman lai” tiah U Tun Lwin nih a chim.

Kawlram ummi Italay Palai (Ambassador) Ms. Alessandra Schiavo le Department of Rural Development in lutlai U Khant Zaw nih Nay Pyi Taw ah April 30 ah khan hnatlaknak min an thut.

Cubantuk in World Bank sin in cawimi tangka US$90 million cu khuate mei vannak caah rak hman arak si cang.

“World Bank coihmi tangka in mah bantuk rian hi kan rak tuah cang. Tutan Italy nih coihmi tangka cu Chin Ramkulh mei vannak caah hman asi lai” tiah a chim chap.

Italy nih a cawihmi tangka hi 2018 August thok in a karh um lo tein, Kawl cozah nih a hman lai i, 2013 thok in kum 10 chungah a cham than lai.

Mah bawmhnak tangka nih hin Chin ramkulh chungah inn 100,000 tluk cu mei a pek khawh hna lai tiah ruah asi.

Ref: Myanmar Times

LEAVE A REPLY

Please enter your comment!
Please enter your name here