Zu i cawk zau in, lam kam ah thut in din hi Hakha ah a tamtuk hringhrin, lam kam lawng hlah, HBC area chung hrimhrim ah zu dingmi hi an karh ching lengmang.

HBC nih “Pathian dawtmi fa, HBC area chungah zu ding hlah” tiin, ca an tarmi cu zeihmanh hmual a ngei lo.

Siang Bawi te thlan pawngah hin, zu dingmi ka hmuh lengmang hna, voikhat cu Pastor pakhat nih a hmuh hna i, a vun cak hna tikah zu ding pawl nih velh an timh tiah min chim duh lomi pakhat nih CCN sin ah a chim.

Tu bantuk in zu dawr a tampi ko, dawr ah thut zir-ziar in din khawh asi komi hi, zoh dawh lo ngaiin lam kam, mi inn kam le biakinn area chung hna ah zu an dinmi nih kan khuapi Hakha mui a chiat-ter ngaingai.

Yangon hna ah cun, zaapi hmun (public area) pohpoh ah zu din an khap cang nain, Hakha ah cun kan ramkulh cozah nih hi kong ah zeihmanh an cawlcanghnak kan thei rih lo.

__ CNN


LEAVE A REPLY

Please enter your comment!
Please enter your name here