Mozambique ram cu thli-chia nih a den hnu ah, har tongmi pawl nih rawl an hmuhnak dingah mibu hruaitu hna he nupa sinak (Sex) tuah dingin hramhram in an fial hna mi kong cu hlat-hlainak kan tuah lai tiah Ni Nga Ni ah khan UN nih a thanh.

Mozambique ram ah thlichia nih mi 1,000 leng a thah hna, cun minung a thong nih an umnak inn le lo an chuah tak.

Tlaih hremnak in a luatmi nu pakhat nih an tonmi kong a phuanmi cu Human Rights Watch nih a thanh hnu ah tu bantuk in dot-hlatnak ka tuah lali tiah UN nih a phuan hi asi.

Bawmhnak (ti le rawl) pohpoh hi a lak tein pekmi asi caah, tu bantuk nupa sinak lei he pehtlai in namnehnak hi cu cohlan khawhmi asi lo tiah UNOCHA nih thawng an thanh ve.

Ramkhel Party Frelimo he pehtlaihnak an ngei tiah ruahmi mibu hruaitu hna nih, thlichia in a luatmi pawl cu bawmhnak hmuh ding cazin chung an luh khawh nak dingah tangka an kauh hna, cun a cheu cu facang tun khat caah nupa sinak tuah dingah an hnek hna.

“Cyclone Idai (thlichia min) hnu ah, chungkhar zohnak ding caah nu pawl nih nupa sinak tuah an i hnekmi hi cu ngol bak ding asi” tiah Human Rights nih a chim.

Ref: Reuters

LEAVE A REPLY

Please enter your comment!
Please enter your name here