AA Ralkap (Photo: Chinworld Media)

Arakan Army (AA) nih Paletwa Peng, Kinthalin le Khamuang khuami pawl an tlaihmi hna cu Rakhine Ramkulh luatnak (independence) a ngah lawngah kan tlah hna lai an ti tiah, an tlaihmi hna chungin a rak zam i a luatmi pahnih nih an chim tiah Chin World Media nih a tial.

Kone Pyin khua bawi U Yat Taan ni “AA an sakhan ah hin, kum khua upa pawl cu rian a kan tuanter tuk lo. Nain, mino deuh pawl cu um mui hmu loin rian an tuanter hna. An ei-ding rawl le porter an phorhter hna, cun thlam an skater hna. Kan nih hi, rua sam a kan fial i kan samnak in kan rak zaam. Cun Rakhine ramkulh luatnak a hmuh lawngah kan thlah hna lai tiah an tiah a luatmi pahnih nih an chim” tiah a chim.

Paletwa peng Thayakone Ohsuh Kinthalin (Chin khua) le Khamaung (Rakhine khua) khuami pawl cu February 27 ah khan an tlaih hna i, Bangladesh rammi i an sakhan ah an kalpi hna tiah theih asi.

Cun “Kinthalin le Khamaung khua karlak ah hin AA nih sakhan an sak. Kinthalin in minung 50 leng le Khamaung khuami pawl cu Bangladesh ramri sakhan ah an kalpi hna. Khinthalin khuami hi cu 53 an si, cun lam ah nau pakhat aa then caah 54 an si. Mah chungin a luatmi hi pahnih an si i, mah pawl cu an khua ah an um ko tiah Khuabawi U Yat Taan nih cun a chim chap.   

LEAVE A REPLY

Please enter your comment!
Please enter your name here