Jew Biakinn Kahnak Kong Thawngfianternak Tuah Lio (Photo: VOA Burmese)

America ram California Ramthen, Powy khuapi Jew Biakinn kahnak ah lunghrinhmi kum 19 pa te cu tlaih asi cang tiah VOA Burmese nih a tial.

Mi pakhat nunnak that tu le pathum hliamhtu kahnak ah lung hrinhmi pate hi sianghlei run siangnakchia asi i, a min cu John Earnest asi.

Jew miphun pawl lanhtak puai (Passover) a hmanung bik ni, kan hnuzarh Zarhte ni ah khan tu bantuk in John Earnest nih biakinn chungah a va luh hnawh hna i, a kah hna hi asi.

Biakinn chungah a kah hna hnu in, John nih hin 911 ah phone a chawnh i, a umnak hmun cu a chimh rih hna hnu ah, caan rau lo tein an tlaih hi asi.

John nih hin, tu bantuk in biakinn ah luh in a kah hna hlan ah hin, Jew huatnak ca-bia pawl cu Online ah a tar langh.

Cu ruangah John Earnest cu huatnak ah hram bunhmi sualnak upadi in tiza cuai dingin kan ruah tiah San Diego District Pakil sakhan-hmu William Gore nih a chim.

Ref: VOA Burmese

LEAVE A REPLY

Please enter your comment!
Please enter your name here