Kawl Ralkap (Photo: VOA Burmese)

Kawl ralkap le humhimnak phu cungah European Union nih dantatnak a tuahmi cu kum khat a peh-than tiah VOA Burmese nih a tial.

Dantatnak cu hriam-nam zuar phihkharnak, cun ramchung namnehnak ah hman khawh ding thilri pohpoh kuat phihkharnak hna aa tel.

Cu lengah Kawal ralkap caah raltuk cawnnak le ralkap lei hawikomhnak cawlcanghnak vialte zong an phihkhar dih.

Rakhine Ramkulh, Shan ramkulh le Kachin ramkulh chung tlangcungmi hna cungah an tuahmi sualnak, cun Rohingya cungah an tuahmi sualnak he pehtlai in dan pek duhmi ralkap bawi le palik bawi 14 hna ruangah tu bantuk in dantat an sinak a ruang pahkhat asi.

Tu bantuk in dantatnak an pehpiakthan hna caah, Kawlram dantatnak cu 2020 April 20 tiang a nung lai tinak asi.

European Union nih hin Kawlram Democracy kong he pehtlai in phihkharnak tampi an rak tuah ko, 2012 hnu in Kawlram thlennak ruangah phihkharnak cu an rak dorh deuh, nain ral lei phihkharnak cu an tubantuk in an pehzulhter ko rih.

Ref: VOA Burmese   

LEAVE A REPLY

Please enter your comment!
Please enter your name here