Hmanthlak in Keh lei Kap ummi Adapter Pawl khi Hman Loding cu An Si (Photo: The Star Online)

Tungthum sawhnak a ngeimi Apple Adapter (hmanthlak chungah langhtermi chungin catial a ngei lomi, kehlei kap i) pawl khi, Hongkong, Singapore le United Kingdom ah hman ti lo dingin, Apple Company nih thlawng an thanh tiah the Star Online nih a tial.

Nizan (April 25) an thanh-ca ah, langhtermi (hmanthlak in keh lei kap) tungthum ngei adapter pawl khi, electric shock a cang kho (nain, a cangmi cu a tlawm rih, vawlei pumpi ah voi ruk lawng a cang rih) tiah an langhter.

“Kan thilcawtu pawl humhimnak hi, an i hmaithlak bikmi asi caah” tu bantuk in langhtermi adapter cu hman ti lo dingin Apple nih an thanhnak cu asi.

Tutan i hman ti lo dingin thawng an thanhmi adapter cu 2003 in 2010 karlak ah rak chuahmi Mac Computer le a dang iOS thil pawl caah hmanmi asi.

A dang iPhones le iPads pawl caah Power tunnak (USB adapter) pawl cu zeihmanh thinphan ding a um lo, mah thawng an thanhmi he aa pehtlai lo.

2003 in 2015 karlak chuahmi tung hnih sawhnak Adapter pawl cu Europe, Australia, New Zealand, South Korea, Argentina and Brazil hna ah hman lo dingin 2016 January ah Apple nih thawng an rak thanh bel.

__ The Star Online   

LEAVE A REPLY

Please enter your comment!
Please enter your name here