Mawtaw (Photo: Htoo Auto Service)

Bokyauk Aung San nih aa rak citmi Wolseley timi mawtaw cu ni 200 leng caan lak in an remh hnu ah, atu cu kan remh khawh cang tiah Htoo Auto Service nih Social Media ah an langhter tiah DVB nih a tial.

Mawtaw an Zoh Lio (Photo: Htoo Auto Service)

Lin Htet (EEM) Facebook Account nih “Daw Suu nih ka pa aa rak citmi mawtaw cit ka duh a ti caah, Htoo Auto Service nih ni 245 chung caan lak in kan remh piak. Tu ahcun Bokyauk Aung San nih aa rak citmi Wolseley RC 2874 cu, a nungthan cang” tiah hmanthlak he a rak post.

Mah mawtaw hi Wolseley 18/85 phun asi i, 1938 in 1948 karlak ah rak sermi asi. Inn-ka pali a ngei i, 2322 cc displacement le straight-6, Cylinder paruk aa telmi mawtaw asi.

(Photo: Htoo Auto Service)

Aung San a thih kha, 1947 ah asi caah mah mawtaw te hi 1945/46/47 ah, kum khatkhat ah cun rak chuahmi asi lai. Cun RC 2874 timi cu, Wolseley World tiah auhmi journal nih RG (Rangon Registration number 284) tiin Wolseley mawtaw pawl record an chiahnak caah an pekmi asi.

Ref: DVB

LEAVE A REPLY

Please enter your comment!
Please enter your name here