Irrawaddy Ramthen cozah nih, USDP cozah nih a rak hruaimi Foundation pakhat cu tiza cuai a timh tiah Irrawaddy nih a tial.

Ayeyarwady Health and Education Multi-Developments Foundation tiah auhmi hi, tuan deuh aucn Ayeyarwady Multi-Developments Foundation tiah rak auh asi. Mah Foundation hi tiza cuaimi cu asi.

Mah Foundation caah Chief Minister hlun U Thein Aung nih a thutden a chuahtak hlan deuh te ah  5.2 Billion Kyats a hluai, cu a hluaimi cu khirhthan dingah Ramthen Cozah nih nawl a chuah.

Mah Foundation caah tuan deuh cozah nih hlasaknak (concert) tuah in le, inn-tek mirum (business men) sin in tangka an rak kawl tiah theih asi.

Nikum November thla ah khan, Foundation nih cun 3.4 Billion kyats a rak khirh cang nain, khirh ding 1.8 billion kyats a tang rih tiah ramthen cozah rian tuantu nih an chim.

Cu a tang rihmi 1.8 Billion Kyats caah cun tu bantuk in ramthen cozah nih tiza cuai a timh thanmi cu asi.

“Mah tangka khirhnak dingah hin, caan a za tawk kan pek ko hna. Tu hnu ni tlawmpal ah tuanvo ngeitu pawl tiza kan cuai rih ko hna lai. Cun mah kongah upadi lei thiammi sin ah ruahnak zong kan hal hna” tiah Irrawaddy ramthen cozah rian tuantu U Htay Win nih a chim.

Ref: Irrawaddy

LEAVE A REPLY

Please enter your comment!
Please enter your name here