Kum 2019 Bawipa Thawhthan Tho (Easter Sunday) ah, Khrihfa biakinn le hotel hna ah bompuahnak tampi a cangmi cu National Thowheeth Jama’ath tiah auhmi Muslim phu nih an tuahmi asi tiah Sri Lanka cozah nih a thanh tiah Human Rights Watch sin in thawng kan don.

National Thowheeth Jama’ath tiah auhmi phu hi, a nganpi le theihtukmi phu cu an si lem lo.

Mah phu hi, cu hlan ah Buddhist milem a rak rawktu zong an si tiah theih asi. Tutan bom puahnak kong he pehtlai in, anmah National Thowheeth Jama’ath dah ti lo, a hohmanh nih kan tuahmi asi tiah an chim rih lo.

Mah Sri Lanka bom puah ruangah tlaihmi hi minung 24 an phan cang tiah Human Rights Watch nih a tial chap.

Tutan bom a puahtu phu hi, Sri Lanka Thowheed Jamath (SLTJ) phu in, 2016 lio hrawngah khan an rak chuak tiah zumh an si i, an hruaitu pakhat Abdul Razik zong hi, miphun thleidannak ruangah rak tlaih asi cang.

Ref: Human Rights Watch

LEAVE A REPLY

Please enter your comment!
Please enter your name here