Thongchuakmi Nu cu a Fa nih a hnamh lio (photo: Thuya Kyaw| Fronteir)

Kawl kumthar (Ti-toih puai) caah thong-tla 9,551 cu ngaihthiam an si tiah President U Win Myint nih a thanh tiah Frontier nih a tial.

Tutan luatnak pekmi chungah hin ramkhel thongtla cu tlawmte lawng an i tel i, pazeizat sat dah an i tel ti cu theih asi rih lo __ cun cozah nih thong a thlakmi hna Reuters thawnglatu Ko Wa Lone le KO Kyaw Soe Oo bel cu a luatmi chungah an i tel lo.

Tutan ah thlahmi hna hi a tam bik cu rit-hai sii he aa pehtlaimi an si hna tiah, thong lei tuanvo ngeitu Zaw Zaw nih a chim. Cun rit-hai sii ruangah thong tla vemi Laimi pakhat zong tutan ah a luat ve tiah CCN nih thawng kan theih.

Luat-termi chungah ramdang mi 16 zong an i tel chih. Si nain, ramkhel thong tla 4 cu biaceih in dan pek an si cang, cun a dang 319 cu biaceihnak an ing cuahmah ko tiah Former Political Prisoners’ Society nih a chim.

Tubantuk luaternak hi a um than lai tiah President nih a chim cucu lungtuai ngai asi. Zeitik sat ah dah mah hi a tuah than te lai timi cu ka thei lo, cun cu bantuk thil zong cu ka thei bal lo tiah Myanmar Prison Department in U Min Tun Soe nih a chim.

Ref: Frontier

LEAVE A REPLY

Please enter your comment!
Please enter your name here