Philippine ram ah, Jesuh bantuk in vailam tah tawnmi pa cu, tukum ah an tahthan i a voi 33nk asi cang tiah CNN sin in thawng kan theih.

Vailam Tah Lio (Photo: CNN)

An i tlaihmi Khrihfa zumhnak langhternak caah Jesuh bantuk in vailam an i tahmi hi, anmah Philippine ram chung zongah bia-alnak a chuahpitu ngai asi.

Vailam an Put Lio (Photo: CNN)

1980 thok khan, Philippines pa Ruben Enaje, kum 58 cu Manila chak lei khuate pakhat ah Jesuh a thih ni ah  vailam an tah i, mipi hmai le ramdang khualtlawngmi (tourist) hmai ah Jesuh aa cang tawn.

Rom Ralkap Zukcawl (Photo:CNN)

Tubantuk vailam tahnak ah hin, Jesuh aa cangmi hna cu an kut le an ke ah zung li thir in an khenh hna i, vailam cungah minute panga hrawng an thlai hna.

Atluk Lio (Photo:CNN)

Tukum hi an thlaimi Enaje hi RC asi i, Jesuh nih a in-tuarnak hi vlawpi sin theihter than hna ka duh caah asi tiah a chim __ nain hmaikum dih cun mah vailam tah cu kaa ngol cang lai tiah a chim chap.

Tubantuk vailamtahnak hi, Philippine rammi drama tialthiam pakhat nih 1950s hrawngah a rak tialmi ah hrambunhmi asi i, 1962 lio ah a voikhatnak vailam tahnak an rak tuah.

RC ram Philippines ah hin, tu bantuk in a tak bak in vailam tah cu RC lutlai pawl nih thaa an pe lo, cun ngandamnak lei rian tuantu zong nih tha an pe hna lo nain, tubantuk in kum tin te an tuah lengmang ko.

Thisen A Chuakmi (Photo CNN)

Tubantuk in vailam an tah hna lio ah, an hnu lei in sii lei thiammi hna nih an zulh hna i, an tluk tik le tii-dat bau (dehydration) in an um ahcun an thlop colh ve hna.

Vailam Tah Put Lio (Photo: CNN)

Vailam tahmi hna hi, an hma cu zarh hnih tluk an thlop hna nain cucu an zumhnak langhternak dingah cun a tlawmtuk rih ko.

LEAVE A REPLY

Please enter your comment!
Please enter your name here