Sri Lankan military officials stand guard in front of the St. Anthony's Shrine, Kochchikade church after an explosion in Colombo, Sri Lanka April 21, 2019.

Tuni thawhthan ni (Easter Sunday) ni ah, Sri Lanka ram ah biakinn pathum le Hotel pathum ah bom paruk bak te a puak ciammam i, mi 200 leng an thi cun 400 leng hliamh-hma an pu tiah VOA Burmese sin in thawng kan don.

The Guardian nih a tial ningah cun, a thimi hi 207 an si i, aa khongmi hi 450 an si __ cun bom puahtu tiah lunghrinh in tlaihmi chungah Britain rammi zong an i tel ve.

Aa peh-tlai nawn in a puakmi bom pahnih hna cu nunnak pek in puahmi (suicide bombing) an si tiah humhimnak rian tuantu nih AP thawngzamh sin ah an chim.

Puahnak a tongmi chungin Saint Anthony (biakinn) le Hotel pathum hna cu Colombo khuapi ah a ummi an si, a dang biakinn pa hnih hna cu Negombo khua ah ummi Saint Sebastian le Batticaloa ah ummi Zion Biakinn hna an si tiah theih asi.

Mah bom puahnak kong he pehtlai in zeibantuk phu hmanh nih kanmah tuahmi asi tiah an chim phuang rih lo.

Mah puahnak a can hnu in, Sri Lanka ah zaan chuah lo ding phung an chuah, mah cun thawng dik lo (fake news) pawl kham ding caah, thawngthanhnak app pawl zong phih an si tiah theih asi.

REF: VOA Burmese

LEAVE A REPLY

Please enter your comment!
Please enter your name here