Julian Assange (From Google Pic)

European Union nih a tuahmi thawnglatu min thatnak GUE/NGL Award cu 2019 caah WikiLeadks a dirhtu pa Julian Assange an pek The Sydney Morning Helrald nih a tial.

Assange cu London ah a ummi Ecuador Taan-zung (Embassy) in hramhram in dawi asi hnu ah thawng thlak asi. Mah taan-zung ah cun dornak (Asylum) a hal hna i, kum 7 deng a rak um cang.

Mah min thatnak hi, European parliamentarians nih tangka a bawmhmi asi i, thah a rak tongmi Maltese miphun thawnglatu Daphne Galizia upatnak caah tuahmi asi.

Mah minthatnak hi “Thildik kha mipi sin ah aa phuangmi pumpak, asi lo ah, phu sin ah pekmi asi, cun cu ti tuah ruangah bia-ceihnak a ingmi hna le tlerh khonh a tongmi hna” sin ah pek asi.

WikiLeaks Editor Kristinn Hrafnsson nih “ WikiLeaks hmangin Julian Assange nih aa tinhmi langhfiannak (transparency) nih hin thawnglaknak (journalism) caah dohthlennak a tuah. US nih Assange thong an thlaknak le an tlerh khonhnak hna hi cu aa thleng ti lo dingmi asi. Media zalonnak maw na hrawh lai, Julian Assange lei ah dah na dir lai” tiah a chim.

Julian Assange cu Australia rammi asi, Wikileaks timi thawngzamh website hmangin thuhmi thawng pawl a langh chuahtu asi. Cu ti a tuah ruangah US nih tlaihnak nawl an chuah i, tlaih an duhmi pa asi. US nih thuhmi thawng pawl Wikileaks hmangin tampi a phorzaar.

REF: Sydney Morning Herald

LEAVE A REPLY

Please enter your comment!
Please enter your name here