Reuter Thawnglatu Ko Wa Lone le Ko Kyaw Soe Oo (Credit: VOA Burmese)

American ca-bia thawng laknak le thanhnak lei phu min thang Pulitzer min thatnak International Reporting Award ngah tu dingah Kawl cozah nih thong an thlakmi hna Ko Wa Lone le Ko Kyaw Soe Oo zong an i tel tiah VOA Burmese nih a tial.

2017 Rakhine ramkulh chungah Humhimnak Rian Tuantu (Kawl raalkap) nih an phummi ruak pawl kong an tial ruangah Reuters thawng latu Ko Wa Lone le Ko Kyaw Soe Oo cu, Kawl cozah nih kum 7 thong a thlak liomi hna an si.

Pulitzer nih hin kum fatin te in tu bantuk in minthatnak laksong a pek tawn hna i, tutan an pek dingmi hi a voi 103nk asi tiah Laksong pek ding kawltu Board hruaitu Dana Canedy nih April 15 ah khan a chim.

Ko Wa Lone le Ko Kyaw Soe Oo hi UNESCO Pekmi Press Freedom Award, Guillermo Cana tiah auhmi min thatnak zong pek an si.

Ref: VOA Burmese

LEAVE A REPLY

Please enter your comment!
Please enter your name here