Chin ramkulh chungah khua dangdang zong nih tuah ciomi tefa tonnak (tam deuh nih auhmi min) cu Congthia khua zongah hlunghlai ngaiin April 11-14 ah an tuah cang.
Tutan Ciruang Tonnak ah hin, Congthia khua lengin (Hakha, Thantlang, Kawl lei le Mizo ram le hmun dangdang ) Congthia ciruang 225 leng an rak tlung kho.
Nithum chung tuahmi Ciruang Tonnak ah hin Cawnpiaknak, Zaangcelhnak, Stage Show & Fashion Show, cun Pathian thangthatnak tiin caan an hmang hna.
Congthia khua tuanbia zong, cathluan pa thum an chuah pimi cu zeitindah zaapi nih Cohlan khawh ding “Khua Tuanbia” ah kan ser khawh lai timi cu Khua ummi le Khualeng in a rak tlungmi upa hna le Committee hna nih ceih-hmainak an ngei.
“Hmunkip um Congthia tefa kan i ton i Khua le ram caah chunmang le hmailei kan khua le kan ram ca i saduh thahnak kanngeih ttimi tonpumhnak pawl hi kaa lung si bik” tiah Ciruang Tonnak ah a cawlcaang ngaimi Mr. Za Biak Cung Nawl nih CCN sin ah a chim.
Kum 325 hrawnghrang a dir cang tiah ruahdomhmi Congthia khua cu inn dong 222, milu 1012 le Khrihfabu pathum (Baptist, AG le Methodist) an um tiah theih asi.
