Reuters journalists Ko Wa Lone le Ko Kyaw Soe Oo dirpitu hna nih Yangon ah December 12, 2018 ah khan, an luatnak caah an rak i pum lio (Photo: AFP).

Kawlram cozah nih thong thlakmi hna pahnih: Ko Wa Lone le Ko Kyaw Soe Oo cu UN phu chungin, nunphung lei kap tuanvo ngeitu (UNESCO) nih Press Freedom Prize an pek hna tiah Frontier le VOA Burmese sin in thawng kan theih.

Reuters News Agency ah rian tuanmi, Rohingya kong thawng latu Kawlmi pahnih hna hi Cozah nih thuhmi thawng an lak tiah sual phawt an si i, December 2017 lio te khan rak hren an si cang.

Ko Wa Lone le Ko Kyaw Soe Oo cu, Palek hmai ah biaruahnak an tuah hna (Photo: VOA Burmese)

“Rohingya pawl kong he pehtlai in zoh dawh lo/ningzak thil (taboo) tlangtar in thawng an lak caah, tlaih an si” tiah Mr. Wojciech Tochman nih a chim.

Tutan an pekmi hna minthatnak min hi, Guillermo Cano tiah auh asi i, Columbia thawnglatu pa cu Bogota ah 1986 ah meithal in an rak kahmi pa caah min an pekmi asi.

1997 thok in pek rak thokmi min thatnak hi, May 2 ah Ethiopia ah tuah dingmi World Press Freedom Day ah pek an si lai.

LEAVE A REPLY

Please enter your comment!
Please enter your name here