Kum hra bu pahnih chungah fakpi in a rak rawk ko cang nain, Kawlram pawngkam dirhmun (environmental condition) kongah thanchonak a um ko tiah Myanmar Times nih a tial.

Tubantuk in thanchonak (a tha deuh ko) tiah Pawngkam Zohkhenhnak Zung (Environmental Conservation Department) in Deputy Director U San Oo nih Nili ni ah tuahmi thawng fianternak (press) ah a chim.

Nain, faktuk in a rawh cangnak hmun Kachin Ramkulh chungin Phakant hei ti bantuk ah cun tamtuk tuah ding kan ngei rih tiah a chim chih.

Mit-Sung Project ruangah mipi nih an thin an i domhnak hmun Ayeyarwady Ramthen hrawng zong hi rawkraal lo tein a um rih ko tiah U San Oo nih cun a chim.

Vawlei cung ram tampi ah hmuh khawh ti lomi thingkung ramkung le saram pawl hi Ayeyarwady Kuanghrawn ah hmuh khawh an si rih ko, “A tiva kuanghrawn ah hin rawhralnak a um lo” tiah a chim chap.

Ref: Myanmar Times

LEAVE A REPLY

Please enter your comment!
Please enter your name here