Major General Shafeenul Islam, director general of the Border Guard Bangladesh, second from left, and Brigadier General Myo Than, chief of the Police General Staff, left, shake hands during a briefing in Nay Pyi Taw on Tuesday. Photo - EPA

Kawlram le Bangladesh nih kaphnih ramri hrawngah rit-hai sii le raalhrang pawl cu hmun khat ah doh dingin hnatlaknak an ngei tiah Myanmar Times nih a tial.

Myanmar-Bangladesh ramri kilvennak meeting cu Nihnih ni ah Nay Pyi Taw ah an tuah tuah hnu in an chuahmi thanh-ca in tu bantuk in thawng an thanh hi asi.

“Tutan meeting ah kap hnih caah that-hnemnak a um dingmi kong kan ceih hnu ah tu bantuk in hnatlaknak kan ngeih hi asi” tiah Kawlram ai-awh in meeting kaimi hruaitu General Myo Than nih a chim.

Ramri ah sualnak le ralhrang buainak a um tiah ram hnih nih thawng an i thanh hnu ah a tubantuk in hnatlaknak an tuah hi asi.

Cu lengah ramri ah hi bantuk sualnak pawl a um ahcun, kan zoh sawhsawh hna lai lo, cun ramri ah zatlang le chawhleh thanchonak lei zong kan tuah ti lai tiah biakamhnak an tuah.

Cun sulanak tuahtu (criminals) pawl cu upadi ningin dantatnak an in dih hnu cun, anmah le ram cio ah kuat than dingin hnatlaknak an ngei fawn.

Tu bantuk Commander meeting hi thla khat ah voikhat, Regional Head Meeting cu kum khat ah voi hnih le Senior Officer Meeting cu kumkhat ah voikhat lengmang in tuah dingah hnatlaknak an ngei chap.

Cu lawng hmanh si loin, kap hnih fonh in lentecelhnak le nunphung hawikomhnak tuah ding tiangin hnathlaknak an ngei hna.

Ref: Myanmar Times

LEAVE A REPLY

Please enter your comment!
Please enter your name here