Black Hole (Credit:BBC)

Chunmang lawng a lomi Black Hole pi cu, Event Horizon Telescope (lam hlat pi zohnak dur bing) in hman an thlak khawh cang tiah BBC News le ScienceNews sin in kan theih.

Vawlei in a hlat taktaknak hmun Galaxy M87 tiah auhmi hmun ah tu bantuk in Black Hole pi hi an hmuh i, cucu Science lei thiamsang pawl nih cun “Monster” (thil tihnung taktak) tiah an fianh.

Mah Black Hole a umnak hmun hi kan umnak vawlei in cun 500 milion trillion KM tluk a hlat __ mah kong dikthlir hi Astrophysical Journals Letter nih tuni ah an langhter.

“Mah kan hmuhmi pi hi, kan vawlei le pawngkam ummi thil pawl (entire solar system) nak in a ngan deuh” tiah Professor Heino Falcke nih a chim.

“Ni nih a ngeihmi rihzaan (mass) nak in let 6.5 billion tluk a tam deuh. Cucu a um ko tiah kan ruahmi Black Hole nak in a rit deuh suamau. Hihi thil tihnung (Monster) bak cu asi ko, kan vawlei-van (universe) chungah Heavyweight Champion asi ko” tiah a chim chap.

Black Hole hmantlak a langhter khawhnak a ruang cu, a nakmi pi (Black hole) timi cu a ceu tha taktakmi ceu-kulh (ring of fire) nih a kulh __ cu ceunak cu van arfi vialte fonh nak in a ceu deuh suamau. Cu ruangah cu tluk in a hlatmi kan vawlei in kan hmuh khawhnak asi.

Ref: BBC & ScienceNews  

LEAVE A REPLY

Please enter your comment!
Please enter your name here