CCN nih a tuah tawn bantuk in kanmah Chinmi chungin huhaam a ngei bikmi minung 10 thimnak cu tu kum (2019) zong ah kan tuahthan. A tanglei ah min cazin kan langhter. Tukum cungah huhaam a ngei bikmi minung kan thimnak hna ah hin, tahfung pali kan ngei. Cu hna cu: 

  1. An riantuan mi position (Rank) zeitluk in dah a san i nawl ngeihnak an ngeih
  2. An positon lawng si loin mipi nih zeitluk in dah an upat i an ttihzah
  3. Anmah le an rian tuannak, an pahrang (Talent) cio ah zeitluk in dah mipi lung an laak khawh
  4. An nawlngeihnak Position kha zeiltuk in dah an hman khawh

Tutan kan thimmi hna hi zaa ah zaa in kan khen hrimhrim kan ti lo nain, kan zoh chihmi dirhmun he ai-naih bikmi hna an si ti zumhnak in kan thimmi hna an si. A tanglei ah zoh hna usih.

10. Ni Len Par Mawi (Make Up Artist & Singer)

Ni Len Par Mawi (Credit: Faceboo photo) https://www.facebook.com/photo.php?fbid=776732246039716&set=pb.100011088431163.-2207520000.1554647745.&type=3&theaterk)

Tamh mawih (Make up) thiam saang Ni Len Par Mawi cu Myanmar Idol (Season 3) ah Top 5 tiang a phanmi asi.  NILENs MakeUp ah, CEO Ni Len Par Mawi hi Kawl ram pi huap in min thatnak a hmumi asi.

Ni Len Par Mawi nih Malaysia thil a tonmi kongah, kap hnih tein kan palh ko, keimah lei in hmailei ahcun kaa ralring cang lai tiah Popular Journal nih bia an halmi hna ah a phitmi hrim nih hin lungthin pical a sinak a langhter khun.

9. Thang Paa (Singer & Artist)

Thang Paa (Credit: Facebook Profile)https://www.facebook.com/photo.php?fbid=689791474755572&set=a.145164909218234&type=3&theater

Thang Paa hi Chinmi chungin Kawl hla sa pakhat asi. Pumpak Album pathum aa chuah cang. Media ngan pipi nih an ton i interview an tuah. Midang he aa lawh lonak pakhat cu, Thang Paa cu hla phuah, director, designer, tbk vialte a mah tein tuanvo aa lak dih. Chungkhar chawhleh (Family Business) caah, Kalay-Tedim karlak facang cawkzuarnak a tuahmi Thang Paa nih ring-awn lei rian a tuan pah in chungkhar rian zong a tawlrel pah chih.

A hla pawl chungin mipi huap kho bikmi/theih bikmi hna cu “Mipi nih Upatmi Daw Aung Saan Su Kyi, Hello Ha, Thang Pa Style” tbk, hna hi an si.

8. Sung Tin Par (Singer)

Sung Tin Par (Credit: Lairam for Laimi)http://laimi.weebly.com/laimi-thawng/category/australia

Sung Tin Par hi cu kanmah Chin ram lawng hmanh si loin, Kawlram pumpi chung hmanh ah huhaam a ngei taktak ti ahcun kan palh lai lo. Kawlram hlasa tampi lak chungin 2013 Southeast Asian Games hunnak caah hlasa dingah thimmi pakhat asi. Sung Tin Par nih amah pumpak Album pa nga aa chuah cang. Kawl hla he Lai hla he dang lo tein a sa khotu cu amah pakhat hi asi  ko.

7. Rev. Dr. Ngun Za Cung (Humanitarian & Development Actor)

Rev. Dr. Peter Ngun Za Cung (Credit: Facebook Profile)https://www.facebook.com/peterngun.zacung

Rev. Dr. Peter Ngun Za Cung cu All Chin Society (ACS) a dirtu asi. ACS chungah hin Chin miphun dih lak an itel, miphun tengnge te te a tam pi miphun kan si caah lungrual nak bia tak te in a si zung hna an dih lak miphun 19 an itel. Cun, Kawl cozah sin zong ah vawlei a halpi hna i kawl cozah nih 4 acre an pek hna, Chin Center a sakpi cuahmah hna lio a si. Cu lengah CSCCI (Chin state Chamber and Commerce and Industry) zong a dirhpi i, hna bia tak te in cozah theih in, Chin ram caah an cawl cuah mah. Cun, CPC (Chin Public Company ) timi zong Chinmi, Mirum vialte fonh in a tuahpi hna rih hna.

6. Salai Bawi Lian Mang (Rights & Political Activist)

Salai Bawi Lian Mang (Credit: Facebook Profile)https://www.facebook.com/chakum.pa

Salai Bawi Lian Mang cu CHRO (Chin Human Rights Organization) ah Executive Director cun, CNF caah Secretary of Department of Reconstruction and Development a tuan lio cuahmahmi asi. Ramkip ah kal in, rampi le Chin miphun rian a tuanmi asi. A bik in Nuhrin covo lei kap ah fak piin rian a tuan. Salai Bawi Lian Mang hruaimi CHRO nih Chin nuhrin covo buarnak he pehtlai in cathluan tampi an chuah cang. Nai te UNHCR nih Malaysia, India le Thailand hrawngin Ralzaam pawl huhphenhnak (protection) a lak piak hnik hna lio zongah, CHRO team le Salai Bawi Lian Mang hna nih UNHCR siseh Nuhrin Covo phu dangdang hna sin ah pehtlaihnak an tuah hna, an cawlcaang — tu ah UNHRC nih a huhphenh thanmi kongah hin CHRO thazaang tampi aa tel ve.

5.  Dr. Lian Hmung Sakhong (Political Activists & Author)

Dr. Lian Hmung Sakhong (Credit: Facebook Profile) https://www.facebook.com/lian.sakhong.27/photos_all?sk=wall&lst=100002278915207%3A727022964%3A1554648554

Dr. Lian Hmung Sakhong cu Ralkap cozah doh ruangh ram lengah a zaami pakhat asi. Dr. Lian Hmung Sakhong cu Union Peace Dialogue Joint Committee (UPDJC) ah Tlangcungmi hriamtlai phu lei in Chin ai-awhtu pakhat asi. CNF ah Vice Chairperson a tuan liomi Dr. Lian Hmung Sakhong cu Center for Ethnic Studies zongah Executive Director asi. Cun amah hi rampi le ramkip huap in theih a sinak ruang cu, ramkhel ca-uk tampi a tial caah asi.

4. Zo Bawi (Chairperson, Chin State Hluttaw)

Pu Zo Bawi (Credit: Google pic) https://www.google.com/search?q=Pu+Zo+Bawi&source=lnms&tbm=isch&sa=X&ved=0ahUKEwiOiZH-nb7hAhXS7HMBHSatCf8Q_AUIDygC&biw=1366&bih=632#imgrc=YIaZUsbhJjMYBM:

Pu Zo Bawi cu Chin State HLuttaw Chairperson asi, cun NLD Party in Chin ramkulh zongah Chairperson asi thiamthiam. Chin miphun chungin ramkhel lei ah upat tlak taktak pakhat asi.

3. Salai Lian Luai (Chief Minister, Chin State Government)

Salai Lian Luai (Credit: Salai Lung Thli Tum News) http://www.salailungthlitum.uk/chin/chief-minister-lian-luai-2018-ah-chinram-66-cu-mahadat-a-line-mei-an-ngah-lai/

Pu Lian Luai cu Yangon, Mandalay le Sagaing ram then hna ah Sehni (Lawyer) kum saupi a tuan. Cu hnu ah Ramkhel lei ah aa mer i, NLD party in 2015 ah MP aa cuh. Falam Myone me hmun no. 3 in teinak a hmuh hnu ah Chin Ramkulh Cozah caah Chief Minister ah thim asi. Ram caah a bik in, Chin ram caah le miphun  caah zaanghlei cawi in rian a tuanmi pasaal tha le humhaam a ngeimi asi.

2. Pu Zing Cung: (CNF Chairperson) 

Pu Zing Cung (Credit: Mizzima News) http://www.mizzima.com/news-domestic/all-inclusive-ceasefire-needed-peace-says-cnf-chairman

8888 doh-thlannak ah aa tel ve caah, Pu Zing Cung cu ramleng ah a rak zaam.  Amah Burma Democratic Front le Chin Seino Organization tibantuk zongah a rak cawlcaang. Cu hnu ah, CNF ah a lut ve i pumpek in rian a tuan. Pu Zing Cung hi CNA ah pumpek in Kachin ram ah raltuk tintan a kai. Kum saupi CNF ah rian a tuan hnu ah, tu bantuk in CNF Chairperson a tuan hi asi. 

1. Henry Van Thio (Vice President II, Republic of the Union of Myanmar)

Pu Henry Van Thio (credit: facebook page) https://www.facebook.com/Vice-President-Henry-Van-Thio-108673189692418/

Chin miphun tuanbia thar tialtu Henry Van Thio cu ralkap ah rank sangpi (bu hmu) tiang arak phan, cu hnu ah ramkhel lei ah aa mer i, 2015 thimnak ah NLD in aa zuam i teinak a hmu. Cu hnu ah NLD cozah nih Vice President ah an thim.  

LEAVE A REPLY

Please enter your comment!
Please enter your name here