February 26, 2019| Dallas, TX

CCN nih People Choice Award pek ding mi ah zapi nih tam ngai min nan van tar cio hna I Top 3 kan van thim hna. An mah Pahnih chunghin pakhat cu CCN People Choice Award pek a si cang lai. An mah le an konglam kan van tial hna. An konglam le an riantuan nak tha tein na rel hnu ah na duh mi kha Vote rak pe ve. Mipi vote tam bik a ngah mi paoh People Choice Award cu pek a si lai.

Dr. Lian Hmung Sakhong giving speech at Chin National Day in Dallas as Chief Guest on Feb 16, 2019 (Photo: C+T)
  1. Dr. Lian Hmung Sakhong

Dr. Lian Hmung Sakhong cu CNF ah Vice Chairman, UPDJC member, EAO aiawh in Burma cozah he rampi daihnak hruaitu, CDES hruaitu a si. A tu lio a rian nganbik cu CNF riantuan nak ah a si I, tlangmi aiawh in rampi kahdaih nak ah bochan mi Chin pa a si. Rampi nih daihnak a ngah tik ah a min chim dai lo ding mi a si. Kum 30 leng miphun le ram caah rian a tuan mi a si. Miphun le remdaihnak kong cauk tampi a tial mi zong a si.Zapi nih a min an tar lio ah a ruang an chim bik mi ah “miphun le ram dawtnak taktak he ralttha tein rian a ttuan I kan miphun cawisang tu” a si ti mi a si. Sweden ah chungkhar he khuasa a si nain, caan tamdeuh cu Burma ah rampi daihnak a ngah nak dingah riantuan in a um.

Salai Lungthli Tum (Phot0: Private Facebook)
  • Salai Lungthli Tum

Salai Lungthli Tum cu Chinland News a ngei tu, Chinland Paih Championship ngeitu, Chin Futsal League ngeitu , Hakha Estate Agency ngeitu, le Lai Western Union ngeitu a si. Mipi nih Chinland News I thawngpang a thlah nak in theih bik mi a si. Kum 30 tling rih lo mi mino a si. Atu hi London ah sianginn kai in khua a sak lio a si. Zapi nih a min an tar lio I a ruang an chim bik mi ah “News caan hman tein a ttial kho peng I mipi nih theihkauh nak kan ngei. Mi lungtho in thawngpang a tial thiam” a si ti mi a si. Kum 30 a tling rih lo mi Mino a si.

Vote na duh hna ah cun CCN Channel Facebook Page ah kal law vote rak pe hna. Vote tam cem hmu mi paoh nih teinak an hmuh lai.

Facebook : https://www.facebook.com/www.ccnchannel.net/

LEAVE A REPLY

Please enter your comment!
Please enter your name here