US ramri haukulh kong ceih a dai; Chin ramri haukulh (wall) kong ceih tuah hna usih!

US pawl an ramri haukulh kong an ceihnak ah an ba tuk (phaisa zong billion 2 hrawng rampi nih a sungh phah) caah Trump le Pelosi nih “zarh thum chung idin ta usih” an ti rua. March thla dih lei ah buai than te dawh an si.

Annih an idinh kar (half time) ah kannih Chin ramri (India le Bangladesh karlak) hau kulh le kulh lo kong hun ceih ve tuah hna usih!

Bangladesh le Myanmar ramri hi meng 170 hrawng si I cu ahcun Rakhine he ramri hi 130 hrawng si I cucu hau (fence) kulh dih ngawt a si cang. Paletwa (Chinram) le Bangladesh karlak ramri bel hi meng kul hrawng a si ve I cucu hual (kulh lo) a si. Cucu Paletwa upa cheukhat nih an siarem lo. Trump nih Mexico ramri ka kulh dih lai i California ramkulh hi ka hual lai — icei hna seh a rak ti phun hna kan si sual maw tiin.

Rohingya/Bengali pawl an lut sual lai ti phan lawng si loion AA zong hi ramri an I dornak kua pit seh ti duhnak a si ko lai (Atu hi Muslim pawl cu Laitlang ah 200 renglo an um cang cumu). Cu leikap in zoh ahcun a thatnak um kho ve. India zong nih Bangladesh ramri km 4000 renglo lakah a tamdeuh cu a kulh dih ve ko khi mu.

Khatlei ah ruah awk cu a um ve. Democrat party pawl nih an chim bang, hau kulh hi a thahnem taktak dek maw, mi a kham taktak maw timi.

Cun, kanmah (Chinmi) pawl vial mi ramri le hauhruang phunglo in kan va pah I a tomtom in ramdang ah kan peem ve ko tikah, cucu aa dawhcah hnga maw (inhuman?) ti zong ruah awk um.

Cun, India nihhin Myanmar ram ramri meng 1000 fai a ngeihmi chungah cheukhat hi hau a kulh ve (Manipur le Nagaland ram ah). Moreh le Tamu ramri tiang meng kuahra cu a kulh cang I khika a kal bal nihcun hei cuanh ahkhin a lang ko khih. Cu tikah India nih Chinram hi teh kulh ve sehlaw kan duh lai maw ti ruah awk um ve hoi. An kulh cun mipi ca lawng loin CNF ca zongah a har ngai kho hnga. 
+++
(Hihi lungchuak menmen si lo. Hmailei ah hrial awk thalo a si kho te dingmi a si. Cucaah US ramri kong I kan dirhmun bang Laitlang ah teh a si maw? Zeitin kan hmuh cio? Tampi a ceih kho lo pawl zong nih “kham ding si ko” “asi loh” ti vial tal nan ruahnak van langhter hnik u. Hmailei khuakhannak caah ruah chih a haumi a si caah– mipi aw theih a hau)

Salai Ceu Bik Thawng nih kan Chinram kong a facebook ah a ttialmi kan rak thil.

Chin Party Hruaitu hna
Salai Ceu Bik Thawng

LEAVE A REPLY

Please enter your comment!
Please enter your name here