President. Trump nih Mexico le USA ramri ah vampang (Wall) saknak ding caah 5.7 billion hman ding a halmi hna cu Democrats buu le adang zapi nih an cohlan piak duh lo caah atu bantuk in US Cozah zuung pi cu December 22,2018 khan atu tiang khar (shutdown) asi caah American tuanbia ah caan sau bik Cozah zuungkhar asi lai. Atu bantuk in President Donald Trump nih a thilti khawhnak (power) hmangin Cozah zuung akhar ruangah cozah rianttuan tu hna minung thong tampi hna cu (lahkhah) ttuan man pek loin an um. Zapi tlawnlen nak -National parks hna zong hnawm hlonhnak tluk in zohchia in a um. Airport ah khualt;lawng mi hna cek tu T.S.A. security agents hna zongnih an rian an ttuan duh ti lo. Cu caah vanlawng in khualtlawn ahar ngaingai cu bantuk in airport ah hnaangam nak aum lo. Minung tampi caah harsat nak tampi achuak i rianttuan tu hna agencies hna le Transportation, Agriculture le Justice Departments cun a dangdang food inspections, farm aid hna zong cek piak tu an um ti lo. Cu bantuk in mi harsa bawmhchanh nak tuah mi SNAP food stamp in anungmi hna refugee hna ca ko ah ahar tuk hringhren February ah hin cun Food stamp cu U.S. Department of Agriculture nih an hmu tthan lai ati. Acheu company ngan pipi ah rianttuna tu hna USDA hna zong dinh ter an si tiah kan theih cu lawng si loin The Coast Guard hna zong an nihlawh pek asi lo caah an rian an kal tak cun Museums ngan pipi hna zong khar an si. Chim cawk loin minung tampi caah harsat nak cu a chuak. Cun acheukhat ruahnak an chim mi cu Pre. Trump nih hin Vampang -Wall zong cu tuah kho hmanh sehlaw san a tlai tuk hlei lai lo rat an duh ko asi ahcun an ra tthiamtthiam ko lai cu caah $5.7 billion cu hnachol bantuk menmen ah ai cang ko lai e an ti len.

sources- Washington Post

LEAVE A REPLY

Please enter your comment!
Please enter your name here