A voi 3 nak HBA Mino Pumh Sawmnak (Hakhathar ah a si lai)

Hakha Baptist Association Youth Department hruainak in Mino ifonh in pumhnak cu a voikhatnak ah Immanuel Baptist Church ah an tuah. A voihnihnak Hakha Baptist Church ah an tuah. A voithumnak cu Hakhathar Baptist Church ah tuahding in timhtuahnak an ngei.

HBA ramchung dihlak kan huap kho lo nain Hakha khuachung i a ummi mino tal hmunkhat i Pathian thangtthat ttinak um seh tiah Committee nih bia an chah. Cu an biachahning bantuk in voi hnih cu tluangte le tlamtling te in an tuah khawh. Atu a voithum nak cu Hakha thar ah tuah ding a si.

Hi a voithumnak tuahmi ahhin phundang deuh in thawngttha zong i chim seh tiah thawngttha chimtu Dr. Ro Sang Pui (Fb: Ro Thang @ YGN) zong an sawm. Cun a aw-aan kan theih lonak a sau cang mi Pi Bil Sung zong hlasak an sawm. Hlasa tu ding ah an sawmmi hna cu Pi Bil Sung, Pu Philip Cung Lian Thawng, Pu Van Siang Mang, Nu Sarah le Nu Ruth an si. Hlaremh bu ah Hniarlawn hlaremhbu an si lai.

A ni cu October 28 zaan ah a si lai. A caan 7:00 pm ah thok a si lai. Hakha chung ummi mino dihlak siseh, Cun Kaa dang hmun dang i a ummi hna caah Online zong in thlah an i timh caah hmunkhat ah i hrawm cio hna u sih.

Sawmnak Video.

A voikhatnak IBC ah tuahmi (LIVE rak thlahmi) Click

A voihnihnak HBC ah tuahmi (LIVE rak thlahmi) Click

LEAVE A REPLY

Please enter your comment!
Please enter your name here