Thiamnak a sanchin bantuk in nifa kan nunnak zong aa thlengnawng len ve. Cu lak ah Phone hi hmunhma a la ngai mi a si caah Zumput chung hmanh hual ti lo in kan pum he tthen lo in kan i ken cio hna.
Hlan lio deuh chan ahcun Tadin ca le Magazin hna kha zunput ah i put in rak rel a si tawn. Cu hmunhma cu Phone nih a lak dih cang. Zunput chung phone hman hi hman keel ah ruah a si cang.
Zunput chungah phone kan hman mi ruang ah Salmonella timi Bacteria rungrul pawl kan phone ah aa benh kho. Salmonella ruangrul cu eimi rawl ah thiltha lo, zawnak, paw nuamh lonak, chungtliknak, rilphinzawtnak phun a chuahtertu a si.
Zunput i kan rian a dih hnu (kan i ttawl dih hnu) ah Phone kan tongh colhnak ruang ah kan phone Bateria rungrul pawl aa benhmi kha kan kut thiang ten kan i ttawl kan ti ko buah kan i tawngh chih dih tthan. Cucaah Zunput chung Phone i put lo ding a biapi ngai. (kei zong i put ti lo ka hau)
Phone ah zeibantuk, zeizat hrawng dah rungtul tha lo aa benh ti cu zunput kan hmanmi he zong aa pehtlai. Mitampi nih ihrawm in hmanmi zunput ko ahhin Virus tha lo phun a tam i kan phone ah rungrul ttha lo aa benh kho khun.
Phone chung ah rungrul aa benh cang hnu ahcun, kan phone a lum deuhdeuh ah mah rungrul kha an karh deuh, an tha a tthawng deuh. Rawl ei lio hna ah Phone kan hun tuai pah rih ahcun Phone i aa benhmi rungrul kha kan rawl chung ah a luh a fawi ngai. Phone hi kan tongh deuhdeuh paoh ah a lum deuh ve.
Cucaah Zunput chung i phone i put i hman hi ngandamnak caah ral a tam caah tu hnu cu zunput kan tthut caan (caan tawite a va si ko cu mu) te khi cu phone i put lo (tongh lo) hi a ttha bik. Ngandam a thawtnam a theimi nih cun zunput chung ah phone i put lo ding zia hi hmang cio ding ah kan sawm hna.
(Beet chap; Phone thar te i cawk i zunput chung i thlak sual cu “sual” timi biafang ah kan sual man kan zun colh bak a si tiah mit-thit, zaangram in ka chap_ CBL)
ဖိုးသူေတာ္ (www.phothutaw.com)
Credit: Dr. Mya Myo Myo Swe (www.drmyanmar.com)
