Hakha khuachung ahhin Ralkap uk chan in Democracy ah ai thlen hnu ah thil zong tampi ai thleng i lungput zong ai thleng mi tampi a um ve, cu chungah Hakha khualipi hi Thancho nak lei in heh tiah a lamkip in an van nawr len ve nain a tanglei hmanthlak hi van zoh hmanh zeitin na ruah ve..

Hlan lio ahcun Rang (horse) hi khuachung ah thlah cu chim lo a hruai in an hruai ko mi hmanh khuabawi le palik le cozah a dangdang lei pawl nih tlaih kha an rak i rep ngai.

Atu Hakha khualipi chungah Rang (horse) hi Zalam lai bak ah hi ton an tlonlen ko mi hi, ziah khuachung lei tuanvo ngeitu hna nih zei ti tal in an tawlrel hnga lo. Zalampi ah hi ti an i chawh sawhsawh ko mi nih Cycle le Motor pawl zong kal nak hna a hnawh ngai, Democracy ram kan si ko cang caah maw an duh in tlong ve ko hna seh an ti hnga zei dek?

Kio Mang pumpululh chuihnak hmun zong hi tangka tampi dih in an kulh, an sersiam nain satil thlahnak ah kulh le remh mi a lo cang. hi ti satil khualak le Kio Mang pumpululh chuihnak ah an tlonlen hi a luan cia thla hnih khan asi cang.

Democracy cozah hi cu minung cung lawng ah si lo in saram cung tiang ah dawtnak an ngei ngai ko hih. satil zong duh tawk tein khuachung ah an tlongleng ngam..

 

 

LEAVE A REPLY

Please enter your comment!
Please enter your name here