HCVG nih Thantlang Peng Sihhmuh khua ah Silei in an thlop hna.

HCVG (Health Concern Volunteers’ Group, Hakha) nih Thantlang peng Sihmuh khua ah man lo in sii ai an thlop hna. A kal khomi Si sayamah (5), Sibawi (3) le Committee (3) an si. Khuami checkup an tuah khawmi hna (145) an si tiah kan theih.

Image may contain: one or more people, people sitting, child, table and indoor

Health Concern Volunteers’ Group, Hakha hi a luan cia 2008 June thla ahkhan rak thokmi a si. An thok nak a ruang bik ah Hakha sizung pi hi kan cozah nih a daithlanh tuk caah thilri a chambau mi a tam tuk. Oxygen dawpnak seh hna 2 lawng a um (Ward chuahpi khawhmi) Mah lak ahcun 1 a rawk ngelcel. Cu lio ah Oxygen dawp ter hrimhrim a haumi mi zaw nu 1 le pa 1 an um. Mah Oxygen dawpnak kha awng 2 a ummi a si caah Pa kha nu an umnak room ah a ihkhun in an cawi i Oxygen cu mizaw nu he cun an dawp ti.

Cun a dang zong a tampi rih. Cu thilsi ning pawl ruang ah a herh tuk an ti caah an dirhmi a si. An dirh ka ah an tuah hmasa (Fund an kawl hmasa) bikmi cu Oxygen seh cawk kha a si.

Cu thok cun ramchung ramleng nih an hun dirkamh hna, an zumh hna caah thil tampi an ttuan kho. Rianttuan an thok cangka a hmasa bik cawlcanghnak ah Member 1 nih kumkhat caah Ks 20,000 cio lengmang in an thawh. Thilri zalhnak i bawmhmi phaisa kha tlawttlau lo in an hman. (tcn. An  bawmhmi hna zat in thilri an cawk, a zaat deuhlo mi committee nih an thawhmi chung in an chap, cu hnu ah an rak phorhnak man kha Committee nih an thawhmi chung khan an hman).

Image result for Chin Evangelical Baptist Church, In

Hi riantuannak hi Mission pakhat a si ti kha CEBC, IN nih an hun theih i 2009 April thla thok in Pastor pakhat an kan lak piak. Cu lawng si lo in mizaw mihar sa bawmhnak tlawmpal zong an hun chap chin. Nihin ni tiang pehzulh in an ttuan. Mizaw harsa caah tlawmpal tal a ttha hnem lai tiah ramdang um Khrihfabu i an nubu cheukhat, Mino bu cheukhat, hawikom rual cheukhat tiphun in thlafate an bawmhmi hna a um. 2018 kum chung thlakhat ah mizaw harsa bawmhnak caah tangka (CEBC, IN= 300,000, ICBC Nubu = 100,000, Pu Tluang Uk & Family <Hakha Mann> = 100,000, ACCC <Amarillo Chin Christian Church> nubu = 50,000, Milwaukee Khrihfabu = 50,000) an bawmhmi hna hi  600000 tluk a si. Cucu thla fate bawmh a herh ko tiah Pastor le Ward Sister te Nurse te nih an chuahpimi hna kha bawmh lengmang an si.

CBC USA nih tangka tambik chuah, ramchung ramleng Khrihfabu, pumpak i fonh in 2012 ah Chapel & Funeral Home ti minbunh in Sizungpi Compound ah inn nganpi zong an hun sak khawh. Hi inn hi Ramchung ramleng Laimi vialte nih hmunkhat ah kan sakmi (a hmun mi) inn a si tiah ti khawh a si.

Zei bu min hmanh a pu lo, zei khua, zei tlang, zei peng min hna zong a pu lo, mizapi nih kan hman khawhmi zong a si. Hmailei kan fim deuh in ruak i fimtawlnak tiang hman a tong te hnga ding a si tiah kan ruah.

Image may contain: 23 people, including Sayama Ni Ni, Khinkhinshwe Khinkhinshwe and Lal Pek Lian, people smiling, people standing

2014 kum hnu in Cozah nih kan Hakha sizung pi cu tlawmpal a hun dirkamh pah ve cang caah Mobile Clinic (khua te lei ah ngandamnak va check, a zawmi va thlop, ngandamnak lei ruahnak va cheuhnak rian) lei an thok chih.

Image may contain: 3 people, indoor

Atu tan Sihhmuh an kalmi hi A voi (29) nak an kal a si. Nikum 2017 kum kha cu Victoria Camp ah biatak te in B Vicine chunhnak le ngakchia zohkhenhnak hna, ngandamnak lei i thlop bul ning cang i cawnpiak hna ah caan tamdeuh an hmang.

Image may contain: 1 person, sitting and indoor

Mobile Clinic an kalnak ahhin Ramdang khuasa Khrihfabu cheukhat nih thawhlawm an cheuh mi hna a um, pumpak in a thawhmi an um, cun atu tan Sihhmuh khua an kalnak i a dihmi; Si, Motor hlanman man vialte hi ICBC (US) Mission Department in an si i zingka thawhhlam le zanriah cu HCVG Chairman Pu Chan Hrem nih a thawh tiah thawng kan theih.

Image may contain: 2 people

Hakha-Thantlang ah rak rat in si ai rak i thlop hi mi cheu caah cun a har ngai.

Image may contain: one or more people and people sitting

Cu lio ah a tu bantuk in Mobile clinic program kan ngeihmi thawng hin eidin i ralrin a herhmi, nuncan ralrin a herh mi tibantuk kan ngandamnak ca i a herhmi hmun cia i an rak kan check tikah kan tar nu kan tarpa hrimhrim an i lunghmuih tuk.

Image may contain: mountain, sky, grass, outdoor and nature

Image may contain: 1 person, sitting and indoor

Hmanthlak le ca laknak Pu Chan Hrem (HCVG Chairman) Facebook.

LEAVE A REPLY

Please enter your comment!
Please enter your name here