HOPE Blood Donor Organization (Hakha) nih August thla cung an riantuannak report an pek.

HOPE Blood Donor Organization (Hakha) (HBDO) nih Hakha sizung ah siseh khuadang sizung ah mizaw harsa an bawmhkhawhmi hna report an pek. Report an pekmi chung in;

Tangka thazaang in mizaw harsa minung 6, Thisen lang 69 in mizaw 39 an caah THISEN an kawlpiak hna pin ah Hakha khuachung khualeng mizaw donthlah an tuahkhawhmi hna minung 25 an si.

Hi riantuannak kong he pehtlai in Founding Director Pu Cung Hu nih “Hakha khuachung lawng si lo in Vawlei cung khuaza um Laimi nih thazaang chuahin an kan dirkamh ruang ah nihin ni tiang kan riantuannak hma a kal khawh hi a si.

Hi nak hin kan rian hma a kal khawh i mizaw harsa hna nih sizung panh tih phannak um lo in an i thlop ngamnak hnga thazaang chuah in rak kan dir kamh rih uh” tiah a chim chap.

Hakha ah thisen tamcem mi a cheu tu Salai Sang Cung (Tin Myint)

HBDO (HOPE Blood Donor Organization (Hakha)) cu Hakha sizung pi ah thisen kan herhtik ah rianrang in thisen hmuh a har lawng si lo in nunnak tiang thisen ronhawk hmuh manh lo ruang ah nunnak a liammi hna ruangah lungfah tuk ruangah le sifah santlaih lo ruang i sizung pi ah ithlop ngam lo in thih cu lo kan thih len ko mi vialte i fahsak tuk ruangah 2004 kum in

Pu Cung Hu le chungkhar nih Thisen hlu tu bu ti in an rak thokmi a si i nihin ahcun Vawlei cung hmunkip um Laimi nih hun theihpi le rianttuan pi zong a si. Cun mizaw harsa, thisen chambau mi hna zongnih theihhngalhngai mi le bawmhhal ngai mi riantuantu an si. Hakha ah Mizaw miharsa hna nih kan i bochan taktak mi rianttuannak bu pakhat a si.

FaceBook Page (Click HBDO Page) zong hi rak Like piak ve te hna uh. Mah ka ahhin daily an activities pawl an tar langh lengmang te lai.

LEAVE A REPLY

Please enter your comment!
Please enter your name here