Motor rang tuk in an khalhruang ah a cung i an chiahmi Concrete Mixer le Minung pakhat an tla.

2018 Aug 29@ Hakha:- Hakha Dawrthar sang, MCH hmai lam kawinak ah Motor rang tuk in an khalh (Mawngh) ruang ah a cung i an chiahmi Concrete Mixer le minung pakhat an tla. Minung pakhat cu fak pah in aa khawn caah Sizung ah an tlikpi, a ho a si ti kan thei manh lo.

Hakha khuachung ahhin Motor le Cycle hi rang tuk in an khalh (mawngh) caah i khawnden a tam, kan nunnak zong a liam mi a tlawmti lo. Hakha cu kan khuachung siseh khua leng siseh kan lam a ngerhngawi tuk. Cu i Motor le Cycle rang tuk in an khalh cang ahcun sualpang ton lo awk ding zong ah sualpang kan tong caan a tam.

Atu tan zong hi Lam aa kualh ngainak ah Light Truck bantuk Motor cungah Concrete Mixer an chiah, A cung ah minung zong an i cit. Rang tuk in a khalh i aa kuihnak zawn a si tik ah a cung i an chiahmi thil zong a tla, minung zong a tlak chihnak hi a si.

Hika hmun hi aa kuih tuknak a si caah cycle khawnden kan ton pah lengmang. Hmailei zong ah kan i ralrin lo ahcun a herhlo mi hnahnawhnak le khawndennak kan tong pah lengmang rih ko lai.

Salai: BHT

LEAVE A REPLY

Please enter your comment!
Please enter your name here