Hakha Siizungpi riantuantu hna nih Dintii duhdim tein an hmankhawh nakhnga caah Chinram Cozah nih Tikhonnak an sakpiak cuahmah hna..

Chinram Cozah nih Hakha Siizungpi riantuantu hna caah tiin Tikhonnak (2) ngan taktak in an sakpiak cuahmah lio hna, Hakha cu nan theih cio bantuk in Ti a har ngai tawn, a hlei in Thalcaan le bang ahcun a har a zual khun, cun siizungpi riantuantu hna zong Quarter ah a um mi an tam, cu tik ah Ti hi an i za tawn lo.

Atu tikhonnak hi Cozah budget in sakmi asi I Green Chinland Company nih an tuan cuah mah lio asi, Siizungpi kam le siizungpi chak ah tiin ngan taktak in an sak cuahmah lio asi, hi an saknak ah hin riantuan tu hna hi kawl le lai tiin cawhpawlh in an tuan cuahmah, hi tikhonnak saknak ahhin a hlei in a tuantu hna hi kawl deuh an si.

Kawlpawl hi Thirtuahtu, Payan le Lettama tiin an um hna, cun eipaw an cawm hna hi an nihlawh cu ..

……Thirtuahtu – 10000 (eipaw cawm)

…..Payan – 10000 (eipaw cawm)

…. Lettama – 15000 ( eipaw cawm) hi kawl an lak mi pawl hi Mandalay le Kalay in an cahchom mi hna an si..

Atu tikhonnak hi a kauh pe 25, le a thuh hi 17 in an sak lai, mah Tikhonnak pakhat ahhin Ting 30300000 kyat in an sak, Thla 3 chungah lim ding in contract zong an ngei i atu hi a thlakhat nak an sak cuahmah lio asi..

Salai BHT

LEAVE A REPLY

Please enter your comment!
Please enter your name here