Chinram kulh Fimchimh nak zung le World Bank Group i fonh in Tlangcung mi holh chimhnak kong ceihhmai nak an ngei..

Aug 24, 2018 ah Chinram kulh cozah Fimchimh nak zung le World Bank Group hna nih tlangcung mi holh/ca chimhnak kong he pehtlai in Cozah Fimchimh nak zung ah worshop an tuah kho. Hi workshop ah CM Salai Lian luai, Hludaw chairman Pu Zo Bawi, Vuanci Pau Lun Min Thang hna zong nih biatawi chim nak an ngeih hmasa hna..

1.. CM Lian Luai chim mi..

Hlan ahcun chinram Myone 9 chungin caholh hi Phun 5 lawngin rak cawn asi, cun atu democracy hnu ahhin mah le caholh cio cawnduh nak a um tik ah a har ngai, chin ca hi a za tein cawn ding tiah ahcun 50 leng asi tik ah a har ngai, cu caah “ kei ka duhnak cu hlan i phun 5 kan cawn tawn ning khan i cawn kho seh law a tha hnga” tiah a chim.

2.. Vuanci Pu Zo Bawi chimmi..

A hlan ahcun kan ca hi duh poah in kan rak cawngkho lo, nain kum 2010 hnu ahcun kan mah le kan ca cio tha tein kan cawng kho cang, Atu chinram ah “a poi ngai tiah ka ruah mi cu Tlangholh (common language) kan ngeih khawh lo mi hi asi” tiah a chim,

3..Vuanci Pau Lun Min Thang chimmi..

Chinram chungah zuamcawhnak a ngan bik mi le a biapi bik mi hna cu caholh, lam le sul hna hi an si, Chinram kan thazaang dercem nak cu “ i Pehtlaih nak” hi asi, a luan cia kum 20/ 30 hrawng zoh tik ah i theihthiam nak a tlawm ngai, cun atu chan ahcun I theihthiam nak zong a tha deuh ngaingai, kan lam le sul a that ahcun kan i pehtlaih ning a tha deuh lai, Chinram cu Biaknak le holh ai dan tik ah minung zong an i thencheu ngai tiah midang nih an ruah nain “ kei ka ruahning le ka hmuh ning ahcun chinmi hi kan i thencheu lem lo tiah ka hmuh/ruah” tiah a chim ( hi a chim hi chinram chung a tlawn dih hnu ah a hmuh ning a chim mi asi)..

Tutan Tlangcungmi caholh kong he pehtlai in a rak ceih hmaipi tu hna hi Changmai University in Professor DR. Ashley South le UK in nu pakhat an si..

Tuni chun ah Dr. Ashley nih caholh kong he pehtlai tampi a chim hnu ah an za tein an i ceihhmai mi cu hna cu…

1..  Nan caholh nan chimhnak hna ah zei har nak dah nan ton?

2.. Cachimtu saya/mah te laknak ah zei harnak dah nan ton?

3.. Caholh nan chimh lio hna ah zei harnak dah nan ton? Timi biatlang pathum hi a hlei in an ceihhmai pi mi hna cu asi..

Hi biatlang pathum ceihmai mi chungah a phi an chuah khawh mi tampi chungin .. cachimtu saya/mah laknak ahhin thlahlawh (salary) hi tamdeuh in le tha deuh in pek khawh ahcun cun a tha deuh hnga. Cun cachimtu hi hmuhton nak (chimhnak lei ah) tamdeuh a ngei mi si kho hna sehlaw a tha deuh hnga an ti, a donghnak ah Hludaw Chairmen Pu Zo Bawi nih hi cachimtu laknak kong le thlahlawh kong hi cu Hludaw ah kan ceih te lai tiah a chim tiah workshop a kai ve sinin thawng kan theih..

Salai BHT

 

LEAVE A REPLY

Please enter your comment!
Please enter your name here