Chungkhar nuamsernak dingah hin nu he pa he tuanvo an ngei veve, nain chungkhar nuamtaktak serkhawh nak dingah hin cun pa nain nu hi an rak biapi deuh..

1.. Nupi bantuk, Hawikom bantuk in um ding

Inn chungkhar nuamhnak dingah cun nupi le vale zong nih hawikom bantuk in um a herh caan ahcun umpiak thiam kha a rak biapi ngai, zei bantuk thil kong asi zong ah lungthian tein hawikom biaruah bantuk in bia i ruah khawh ahcun chungkhar ah dawtnak zong a thanlian deuh kho. cun Nupi le Vale he hmunkhat teah biakhiah, hmunkhat teah chungkhar nuamh deuh nak ding kong ceih, thazaang pakhat le khat i pek, program zong hmunkhat teah tuah/suai ti ahcun chungkhar cu a nuam deuh hrim ko..

2.. Hmunkhat ah ni ti, i nuamh ti ding

 

Chungkhar nuam sernak dingah a biapi ngai ve mi cu hmunkhat te i nuam tein caan hman ti hna hi an si.  Nihchuak bia chim lio ahcun nihti ding asi ko, cun nu, pa zong lungretheihnak le lungnuamh lo nak te pawl tonkhawh cio asi cu tik ah hmunkhat te i capo saih le nuam ti nak nih chungkhar a nuamh hlei ter deuh.

3.. Timhcia (ready) tein um ding

Na dawtmi he nan rak nungak, tlangval lio nan rak i dawt i na tamh lio bantuk te khan dawh tein um khawh kha i zuam ding asi, nangmah le nangmah kha ka dawh tiah na ruah  lio kha mah le mah i zumhnak (confidence) ngeih lio cem zong asi, nutung ka si cang pat ti i tamh huaha lo in buar nawn in um nak nih khan chungkhar nuamser nak a donh khawh, thianghlim te le dawhtein nu hna nih nan um nak nih khan chungkhar zong a nuamter i sau zong a nguh..

4.. zei bantuk hmanh kha thlen viar i timh lo ding

Chungkhar nuam, caansau nguhnak ding ahcun pakhat le khat kha lungthiang tein i chawnh biakding, chungkhar ahhin nupi le nih mah duhning va le kha nung hna seh ti an duh theu tawn, na duhning in nunter na timh ahcun chungkhar nuam ser khawh asi lo, cu caah theihthiam khawh kha a bia pi..

5.. Na rian te kha tuan ko

 

zeitluk in a rum mi fanu na si i sifak fa te na va tik zong ah zomhtaih ding asi lo, i thitum cang hnu ahcun hmailei chungkhar nuam serkhawh nak dingtu kha a biapi deuh, mah le rian cio te tuan i hmuh mi phaisa cu nu le pa nih pek chom i duhduh in hman mi nak in man an ngei deuh, cu caah mah le tuahkhawh tawk rian cio ah khan thazaang i pek ding asi..

ref: auntymay

LEAVE A REPLY

Please enter your comment!
Please enter your name here