Kan i tlinhmi Chantling a thian ahcun kan ngandamnak caah a bawmh.

Kum 36 a si cangmi Stewart Arms cu a pum nuam lo tuk in a um. Chawlet chawhrawl in a vakmi a si caah mah ti ka um hi ka tha a baat caah a si lai tiah daithlang in a rak um. Zarhhnih tiang ah a nganfahnak cu aa rel deuh hlei lo caah ka pumchung ah zawtnak a um tiah a ruat i Clinic Sibawi sin ah a kal.

Image result for dirty pillows

Sibawi nih a zawtnak zeihuaha an hmuh lo caah zawtnak aa reldeuhnak ah aa tlakmi si phun an pek.Thi zong an check ter nain zeihmanh biapi in an hmu lo.

Image result for dirty pillows

Mah hnu nikhat ahcun a khuh tikah thi khal bantuk a chuah. Cu hnu ceo cun ttha deuh in checknak aa tuah. A zawtnak taktak an hmuhmi cu a cuap a naang a kaiter khotu zawtnak rungrul a um tiah an hmuh ai.

Image result for အဆုတ္ မိႈစြဲ

Hibantuk zawtnak hi zeitin dah aa lakning, ichonh ning a si ti kha chek felnak an tuah tikah kanmah kan pawngkam te ah a umkho i a hlei in kan ih tiki kan chantling cung hin tam cem a um kho ti an hmuh.

Image result for dirty pillows

Mah zawtnak rungrul hi kan pumchung i kan dawpmi thli kalnak in kan cuap ah fawi tein a lut khomi a si i a ngan a dam lo mi nih an i tlinhmi Chantling kha hman ve sual ahcun zawtnak i chonh a fawi tikmi a si ti kha an chuahpi.

Cucaah kan hmanpengmi Chantling hi zarhkhat ah a tlawmbik voikhat tal cu a khuh thlen, nitlang ah pho lengmang a herh.

Image result for clean dirty pillows

Ni-tha nih a dang rungrul pawl tampi a tei khawh i zawtnak rungrul zong a thah khawh ti a si. Cucaah chan sau ngan a dammi sinak caah cun a thianghlim mi thilpuan i hruk zong hi a biapi ngai. A hlei in Kan chantling hi thiamhlim ter a herh ngai. Kan chantling i a ummi rungrul cu kan i dawp khawh lengmang mi a si caah Chantling thianter hi a biapi ngai.

(Nai kha zarhhnih chung bak tho kho loin ihkhun cungah kaa lawngvangh hnu in ngandamnak lei kong hi biatak deuh in ka lung ah a chuak i dam a nuamh ning hi i fiang cio hna u sih ti siaherhnak he ka hun langhtermi a si. CBL)

Ref. apyolay.com

LEAVE A REPLY

Please enter your comment!
Please enter your name here