Hakha Pearl (Pale) Store dawh le tha taktak in sak an thok

Hakha lamtte tonnak i a ummi Pearl (Pale) Store cu 1991  lio ah an rak sakmi a si. Hi an rak sak dihka hrawng ahhin Hakha Dawrthar sang ah Tlakrawhinn dotthum a um hmasa bik a rak si.

Hi inn ahhin thilri phuntling an kan zuar piak. Hakha khuachung ahcun Pearl (pale) store ahhin duhmi thil a tling bik tiah kan ti tawnmi a si (ritnak zu, kuak phun balte an zuar lo).

Hitluk in Hakha nih kan fuhpanh mi dawr le inn pi cu ruah lo tuk ah 2018 May 31 zinglei suimilam 2:00 am tluk in kangh aa thok i zeihmanh chuahmanh lo in a ciam dih.

Pearl (Pale) Store cu atu hi a thar in (dawh taktak le ttha taktak in) sak tthan hram an thok.

An sak dingmi inn muisam cu Engineer thiamsang a simi Mr. Tin Tun Aung @ Phyophuai nih a suai piak hna.

Hi inn an lim ahcun Hakha khua a dawhter tthan lai, cun thilphun tling an kan zuar piak tthan lai.

Cu lawng silo in chan he aa tlakning in thilzuarnak zong an kan tuahpiak lai.

Hlan i kan mitthli le kan lungfahnak vialte kan si a kan philh tertu ah cang hram ko seh.

LEAVE A REPLY

Please enter your comment!
Please enter your name here