Caleri (Celery) hi a rak tha taktak. A tangah Phun 7 in ka khomhsuatmi ka hun langhter.

Image result for celery

  1. Thau a zorter

Micheu kan caah cun Caleri hi a rimhaw siseh, a thawtnam siseh a celh lomi kan tam. A sinain Caleri (taluk nannan) hi nitin kan eimi rawl ah tlawmpal tete tal in ei piak khawh lengmang ahcun kan pum chung i a tha lo mi thau nak pawl a zor ter. (Ref. Myanmarload.com)

Image result for celery

  1. Cancer rungrul a kham khawh.

A rim, a thawt tuk lo bu ah meh le eidin dang he thaw ding in tuah chih ahcun ngandamnak caah a thathnemnak a rak tam tuk. Kan pum chung i a ummi si hna seh, kan pawngkam i thli in kan i hamhmi hna ruang ah Cancer rungrul pawl kha a phenhei khawh hna.

Image result for celery

  1. Thi tumkai a zorter.

Potessium dat a tam caah thi ttum, kai a zorter lawng si lo in thi umkal ning le thahrih umtuning zong a tha a dam der i a hlei in thikai zawtnak a kham khawh.

Image result for celery

  1. Kan kam/kaa a nammi a remh

Minung tamdeuh cu kan kam, kaa a nam pah dih cio. A hlei in chunglei a dam lomi le Haa a ttha lo mi hna ko hi kan zual (Biathli chimh ngaih ngam lo phun kan tam) Caleri eipiak nak thawng in kan kam, kaa chungi a ummi Baterias rungrul ruang i kan kam, kaa a nammi a hlauhthlau khawh.

Image result for celery

  1. Rawl kan eimi digest a fawiter.

Tidat tampi aa tel mi eidin phunkhat a si caah kan eimi rawl pawl kan paw a phak tikah kan pawchung i rawlrialnak tha a tthawn ter.

Image result for celery

  1. Lungtuai hnahnawhnak a zorter

Magesium dat tampi aa tel caah kan lu thahrih pawl a siamremh i lungtuai hnahnawhnak a zorter. Ih lai te i ei piak nak thawng zong in mitkuh a thawt ter. (Ref. myhealthmyanmar.com)

Related image

  1. Kal (Kidney) a thianhlimter

Minung kan nunnak ahhin hna a kan hnawh ngai tuk pakhat cu a si tung i kan herh bak fawnmi, thihnak tiang a kan phakter khotu cu kan KAL hi a si. Kan pumchung ah i a thurhnawm vialte a kan thianhhlimh piak. A dam ko mi zong nih zeitik ah kan KAL a fah lai ti hi kan phang. Kan KAL a ngan a damnak ding caah cun Caleri hi caanhman ten eipiaknak thawng in KAL zawtnak a kham khawh. KAL a dam ti lomi hna zongnih KAL damnak caah Kokek si lak ah a thabik a si an ti. Caleri kungcu a hram in phawi, thiang ten tawl. Cu hnu ah Tisa tlok kadak chungah minutes 10 tluk cuar. A kik pah cang nati hnu ah a haang ze law tikhal kuang ah chia. Nikhat hraikhat na din piak peng ahcun KAL zawtnak ruang ah harnak le fahnak in na luat lai. (Ref. Daw Aye Aye Mon FB)

Related image

(voikhat ei nak lawng cun a si kho rua lo… ei caan fa te ei piak peng a hau rua.)

LEAVE A REPLY

Please enter your comment!
Please enter your name here