Atu hi Iniesta, Barcelona in a chuah hnu ah amah ai rawlh tu ah tiah mi an kawl cuahmah lio pi asi, cu chungah No. 1 ah Hazard auh dingin an i timh mi asi.
Barca nih hin World Cup hlan pi in Griezmann hi an rak ngiar peng hna nain an ngiar khawh hna lo tik ahcun atu hi Hazard lei tu an van i mer hi asi.
Tutan World Cup ah Hazard hi a cawlcangh ning zong a tha ngaingai, Brazil an tei hna lio zong ah a biapi bik cu Hazard hi a rak si, cun France he Semi-final an chuih nak ah an sung ko nain a cawlcangh ning Barcelona tuanvo ngeitu hna nih an zoh tik ah an lungtling ngaingai..
Cu caah atu hi Barca tuanvo ngeitu hna zong nih Iniesta airawlh tu ah Hazard kan auh lo ahcun a dang auh ding ho dah a um kun ne an ti, Barcelona nih Hazard an auh khawh taktak asi ko ahcun an teamwork zong a that lei a panh pin ah Barca tanhtu hna caah cun lunglawmh nak ngan taktak khi asi ko lai..
Ref: sportmyanmar.com
